ଭୁବନେଶ୍ୱର:ତେଲେଙ୍ଗାନା ବିଧାନସଭା ନିର୍ବାଚନ ପାଇଁ ଆସନ୍ତା ୩୦ ତାରିଖରେ ଭୋଟିଂ ହେବ । ଏହା ପୂର୍ବରୁ ରାଜ୍ୟର ବିଭିନ୍ନ ସ୍ଥାନରୁ ଜବତ ହେଉଛି ପୁଳା ପୁଳା ଟଙ୍କା । ହାଇଦ୍ରାବାଦର ଦୁଇଟି ଭିନ୍ନ ଭିନ୍ନ ସ୍ଥାନରୁ ଦୁଇଟି କାର୍‌ରୁ ଗତକାଲି ୭ କୋଟି କ୍ୟାସ୍‌ ଜବତ ହୋଇଥିବା ଜଣାଯାଇଛି। ସେଥିମଧ୍ୟରୁ ଗୋଟଏ କାର୍‌ରେ ୫ କୋଟି ଓ ଅନ୍ୟ ଏକ କାର୍‌ରୁ ମିଳିଛି ଦୁଇ କୋଟି ଟଙ୍କା। ଏହାଦେଖି ତଦନ୍ତକାରୀ ଅଧିକାରୀ ବି ତାଜୁବ ହୋଇ ଯାଇଛନ୍ତି।ହାଇଦ୍ରାବାଦର ଗାଚିବୌଲି ଅଞ୍ଚଳରେ ଗତକାଲି ପୁଲିସ୍‌ ପାଟ୍ରୋଲିଂ ସହ ଗାଡ଼ି ଚେକିଂ କରୁଥିଲା। ଏହି ସମୟରେ ଗୋଟିଏ କାର୍‌କୁ ଯାଞ୍ଚ କରିବାରୁ ତା’ ଭିତରୁ ବାହାରିଲା ୫ କୋଟି କ୍ୟାସ୍‌। ଏହି ଘଟଣାରେ ପୁଲିସ୍‌ ଦୁଇଟି କାର୍‌କୁ ଜବତ କରିବା ସହ ୭ ଜଣଙ୍କୁ ଅଟକ ରଖି ପଚରାଉଚରା କରୁଛି। ଏହାବାଦ ଗତକାଲି ହାଇଦ୍ରାବାଦ ପୁଲିସ୍‌ ଅନ୍ୟ ଏକ କାର୍‌ରୁ ୨ କୋଟି କ୍ୟାସ୍‌ ଜବତ କରିଛି।