କେନ୍ଦ୍ରାପଡା ରସାବଳୀକୁ ମିଳିଲା ଜିଆଇ ଟ୍ୟାଗ ମାନ୍ୟତା।

ପାର୍ଲିଆମେଣ୍ଟ ଭବନ ରେ ସାଂସଦ ଶ୍ରୀ ସୁବାସ ସିଂହ ନେତୃତ୍ୱ ରେ ଏକ ପ୍ରତିନିଧି ଦଳ କେନ୍ଦ୍ର ମନ୍ତ୍ରୀ ପିୟୁଷ ଗୋଏଲଙ୍କୁ ସ୍ମାରକ ପତ୍ର ପ୍ରଦାନ କରିଥିଲେ।

ଭୁବନେଶ୍ୱର:ଆଜି ଓଡିଶା ବାସୀ ଓ କେନ୍ଦ୍ରାପଡା ବାସୀଙ୍କ ପାଇଁ ଏକ ବଡ଼ ଗୌରବ ର ଦିନ ବୋଲି ପୂର୍ବତନ ସାଂସଦ ଶ୍ରୀ ସୁବାସ ସିଂହ ପ୍ରକାଶ କରିଛନ୍ତି । କେନ୍ଦ୍ରାପଡା ର ରସାବଳୀ କୁ ଆଜି କେନ୍ଦ୍ର ସରକାର ଜିଆଇ ଟ୍ୟାଗ ମାନ୍ୟତା ପ୍ରଦାନ କରିଛନ୍ତି । ସୂଚନା ଯୋଗ୍ୟ କି ଗତ ୩୦ ଜୁଲାଇ ,୨୦୧୧ ମସିହାରେ ତତ୍କାଳୀନ ରାଜ୍ୟ ସଭା ସାଂସଦ ଶ୍ରୀ ସୁବାସ ସିଂହ ଙ୍କ ନେତୃତ୍ୱରେ ସାଂସଦ ମୁନା ଖାଁ , ସାଂସଦ ମମତା ମହନ୍ତ ପ୍ରମୁଖ କେନ୍ଦ୍ର ବାଣିଜ୍ୟ ଓ ଶିଳ୍ପ ମନ୍ତ୍ରୀ ପିୟୁଷ ଗୋଏଲ ଙ୍କୁ ସାକ୍ଷାତ କରି ସଂସଦ ଭବନ ରେ ଏ ନେଇ ଏକ ସ୍ମାରକପତ୍ର ଉପସ୍ଥାପନ କରିଥିଲେ।
ରସାବଳୀ କୁ ଜିଆଇ ଟ୍ୟାଗ ପରିପ୍ରେକ୍ଷୀରେ ୨୬ ଜୁଲାଇ ୨୦୨୧ ରେ ମନ୍ତ୍ରୀ ପିୟୁଷ ଗୋଏଲ ଙ୍କୁ ଭେଟିଥିଲେ । ଏହି ପରିପ୍ରେକ୍ଷୀରେ ଇତିହାସ ଯାହା କୁହେ – ଗଙ୍ଗ ରାଜତ୍ୱ ସମୟରୁ , ଅର୍ଥାତ ୪୦୦ ବର୍ଷ ପୂର୍ବରୁ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିଥିବା ରସାବଳୀ, ବଳଦେବଜୀଉ ଙ୍କ ମୁଖ୍ୟ ପ୍ରସାଦ ଭାବେ ଜଣାଶୁଣା . ସୁସ୍ୱାଦୁ ମିର୍ଷ୍ଟାର୍ଣ୍ଣ ରସାବଳୀ କୁ କେନ୍ଦ୍ରାପଡା ବାସୀ ବିକ୍ରୟ କରି ନିଜର ଗୁଜୁରାଣ ମେଣ୍ଟାନ୍ତି। ଏପରିକି କି ଏହି ରସାବଳୀ ସ୍ୱାଦ ଦେଶ , ବିଦେଶ ବ୍ୟାପିଥିଲେ ମଧ୍ୟ ବର୍ତମାନ ପର୍ଯ୍ୟନ୍ତ ଜିଆଇ ଟ୍ୟାଗ ମିଳି ନଥିଲା , ଯାହା ଆଜି କେନ୍ଦ୍ର ସରକାର ଜିଆଇ ଟ୍ୟାଗ ଦେଇ ରସାବଳୀ ର ମାନ୍ୟତା ଦେଇଛନ୍ତି । ଦେଶ ଓ ରାଜ୍ୟର ପ୍ରମୁଖ ପ୍ରଦର୍ଶନୀ ଓ ଓଡିଶା ପ୍ରସିଦ୍ଧ ବାଲିଯାତ୍ରା ରେ ରସାବଳୀ ପ୍ରଦର୍ଶିତ ହୋଇ ଆଦୃତ ହୋଇପାରିଛି । ଏବେ ଜିଆଇ ଟ୍ୟାଗ ର ମାନ୍ୟତା ପାଇବା ସହ ଏହା ଅନ୍ତର୍ଜାତୀୟ ସ୍ୱୀକୃତି ପାଇବା ଓ ଦେଶ ବିଦେଶ ରେ ଆଦୃତ ହୋଇପାରିବା ସହ ଜାତୀୟ ଓ ଅନ୍ତର୍ଜାତୀୟ ପର୍ଯ୍ୟଟକ ମାନେ କେନ୍ଦ୍ରାପଡା ପ୍ରତି ଆକର୍ଷିତ ହେବା ସହିତ ବିଶ୍ୱର ସବୁଠାରୁ ଆକର୍ଷିତ ସ୍ଥାନ ଭିତରକନିକା , ୧୮୦ ବର୍ଷର ପୁରୁଣା ବ୍ରିଟିଶ ସମୟର ହୁକିଟୋଲା ବତୀଘର ଓ ବଙ୍ଗୋପ ସାଗର ର ବିସ୍ତୀର୍ଣ୍ଣ ଜଳରାଶି ଆଦି ପର୍ଯ୍ୟଟକଙ୍କୁ କେନ୍ଦ୍ରାପଡା ତୁଳସୀ କ୍ଷେତ୍ରକୁ ଆକର୍ଷଣ କରିବାରେ ଏକ ବଡ ଭୂମିକା ନେବାରେ ସହାୟକ ହେବ ।