ଚିଲିକା ନିର୍ବାଚନ ମଣ୍ଡଳୀର ବିଜେଡିର ପଦଯାତ୍ରା

ଖୋର୍ଦ୍ଧା/ବାଲୁଗାଁ, ୨।୧୦: ପବିତ୍ର ଗାନ୍ଧୀ ଜୟନ୍ତୀ ଅବସରରେ ବିଜେଡି ର ଜନସମ୍ପର୍କ ପଦଯାତ୍ରା ର ଶୁଭାରମ୍ଭ ହୋଇଛି। ଆଜି ଚିଲିକା ନିର୍ବାଚନ ମଣ୍ଡଳୀରେ ଏହାର ଶୁଭାରମ୍ଭ ରାଜ୍ୟସଭା ସାଂସଦ ମାନସ ମଙ୍ଗରାଜ ଙ୍କ ଦ୍ଵାରା ହୋଇଛି। ବାଣପୁର ମା ଭଗବତୀ ଙ୍କ ମନ୍ଦିରରୁ ଆଶ୍ରିବାଦ ନେଇ ଆରମ୍ଭ ହୋଇଛି ପଦଯାତ୍ରା। ବାଣପୁର ସହର ପରିକ୍ରମା କରିବା ପରେ ଐତିହାସିକ ପଲଟଣ ପଡିଆ ଠାରେ ପହଞ୍ଚିଥିଲା। ପଦଯାତ୍ର ସମୟରେ ମେଡିକାଲ ଛକସ୍ଥିତ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତି, ଗାନ୍ଧିଜୀ ଙ୍କ ପ୍ରତିମୂର୍ତ୍ତି ଆଦିରେ ମାଲ୍ୟାର୍ପଣ କରାଯାଇଛି। ପଦଯାତ୍ରା କୁ ବାଣପୁର ନଗରପାଳ ମିଟୁ ନାୟକ ସଂଯୋଜନା କରିଥିବାବେଳେ ଏଥିରେ ନିର୍ବାଚନ ମଣ୍ଡଳୀ ର ସମସ୍ତ ଆଗଧାଡ଼ିର ନେତୃବୃନ୍ଦ, କର୍ମୀ, ଛାତ୍ରନେତା ପ୍ରମୁଖ ସାମିଲ ହୋଇ ମୁଖ୍ୟମନ୍ତ୍ରୀ ନବୀନ ପଟନାୟକଙ୍କ ସ୍ଵଛ ଓ ନିର୍ମଳ ଶାସନର ବାର୍ତ୍ତା ପ୍ରଦାନ କରିଛନ୍ତି।