ବିଭିନ୍ନ ସ୍ଥାନରେ ଚାନ୍ଦବାଲି ଅବକାରୀ ବିଭାଗର ଚଢ଼ାଉ

ଭୁବନେଶ୍ୱର:ଚାନ୍ଦବାଲି-ଚାନ୍ଦବାଲି ଅଞ୍ଚଳରେ ଦିନକୁ ଦିନ ବଢ଼ିବାରେ ଲାଗିଛି ଚୋରା ମଦ କାରବାର। ତେବେ ବିଶେଷ ସୂତ୍ରରୁ ଖବର ପାଇ ଚାନ୍ଦବାଲି ଅବକାରୀ ବିଭାଗ ଥାନାଧିକାରୀ ଅଭିଳାଷ ପାଲ୍ ଙ୍କ ନେତୃତ୍ୱରେ ଆଜି ଚାନ୍ଦବାଲି ଅଞ୍ଚଳର ବିଭିନ୍ନ ସ୍ଥାନରେ ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇଥିଲା। ତେବେ ଅବକାରୀ ବିଭାଗ ଅଚାନକ ଚଢ଼ାଉ କରିବା ପରେ ୫ଜଣ ଅଭିଯୁକ୍ତଙ୍କୁ ଗିରଫ କରିବା ସହିତ ୧୧ .୮୮ ଲିଟର ବିଦେଶୀ ମଦ ସହ ୧୧ ଟି ବିୟର ଜବତ କରିଥିବା ଜଣାପଡ଼ିଛି। ତେବେ ଅଭିଯୁକ୍ତ ମାନେ ହେଲେ ସନ୍ତୋଷ ଦାସ, କମଳାକାନ୍ତ ବେହେରା, ଵିଜୟ ବେହେରା, ସୁବାସ ନାୟକ, ବଟକୃଷ୍ନ ମହାଳିକ । ଏମାନଙ୍କ ମଧ୍ୟରେ ଦୁଇ ଜଣ ମତୋ ଅଞ୍ଚଳର ହୋଇଥିବା ବେଳେ ଅନ୍ୟମାନେ ବିଜୟନଗର, ଗୋବିନ୍ଦପୁର ଓ କରଣପଲ୍ଲୀ ଅଞ୍ଚଳର ହୋଇଥିବା ଜଣାପଡିଛି। ତେବେ ଅବକାରୀ ବିଭାଗ ବିଭିନ୍ନ ସ୍ଥାନରେ ଚଢ଼ାଉ କରିଥିବା ବେଳେ ଅନବଆଦିତ୍ୟ ବାରିକ,ଉମେଶ କୁମାର ମହଲା, ରାଜଲଷ୍ମୀ ଦତ୍ତ ଓ ରାମଚନ୍ଦ୍ର ନାୟକ ପ୍ରମୁଖ ସହଯୋଗ କରିବା ସହିତ ଅଭିଯୁକ୍ତଙ୍କୁ ଧରି କୋର୍ଟ ଚାଲାଣ କରିଥିବା ସୂଚନା ମିଳିଛି।