ଆକର୍ଷଣୀୟ ଫଟୋ ପ୍ରଦର୍ଶନୀ :ଛତିଶଗଡ ରାଜ୍ୟପାଳ

ଭୁବନେଶ୍ୱର :ଛତିଶଗଡ଼ ରାଜ୍ୟପାଳ ମାନନୀୟ ଶ୍ରୀଯୁକ୍ତ ବିଶ୍ଵଭୁଷଣ ହରିଚନ୍ଦନ ନବିନ ସୂତ୍ରଧର ଟ୍ରଷ୍ଟ ପକ୍ଷରୁ ବିଶ୍ୱ ଫଟୋଗ୍ରାଫି ଉତ୍ସବ ଅବସରରେ ଆୟୋଜିତ ଦ୍ଵିତୀୟ ରାଜ୍ୟସ୍ତରୀୟ ଫଟୋ ପ୍ରଦର୍ଶନୀ ବୁଲି ଦେଖିଥିଲେ. ଏହି ପ୍ରଦର୍ଶନୀ ରେ ସ୍ଥାନିତ ହୋଇଥିବା ଗ୍ରାମ୍ୟଜୀବନ, ପ୍ରକୃତି ଓ ବନ୍ୟଜନ୍ତୁ ଏବଂ ଭାବ ଓ ଭଙ୍ଗୀ ଆଧାରୀତ ଫଟୋ ଗୁଡିକୁ ଦେଖି ରାଜ୍ୟପାଳ ବେଶ ଖୁସି ହୋଇଥିଲେ. ସବୁ ଫଟୋ ଗୁଡିକ ଜୀବନ୍ତ ଓ ଫଟୋ ପ୍ରଦର୍ଶନୀ ବହୁତ ଆକର୍ଷଣୀୟ ହୋଇଥିବା କହିଛନ୍ତି. ଏଥି ସହିତ ସେ ଆୟୋଜକ ନୂତନ ଭବିଷ୍ୟତ ନିର୍ମାଣ ର ସୂତ୍ରଧର ଟ୍ରଷ୍ଟ ର ଅଧକ୍ଷ ଫଟୋ ସାମ୍ବାଦିକ ଲକ୍ଷ୍ମୀକାନ୍ତ ଦାସ (ନବିନ )ଙ୍କ ଉଦ୍ୟମକୁ ପ୍ରଶଂସା କରିବା ସହ ଏହିଭଳି ଉଦ୍ୟମ ଜାରି ରଖିବାକୁ ଶୁଭେଚ୍ଛା ଜଣାଇଛନ୍ତି.ସୂଚନାଯୋଗ୍ୟ କି ଏହି ପ୍ରଦର୍ଶନୀ ବିଶ୍ୱ ଫଟୋଗ୍ରାଫି ଦିବସ ଅବସରରେ ଆୟୋଜିତ ହୋଇଛି ଏବଂ ଏହା ଆସନ୍ତାକାଲି ଉଦଯାପିତ ହେବ. ଏହି ପ୍ରଦର୍ଶନୀ ରେ ରାଜ୍ୟରୁ 80ଜଣ ପ୍ରତିଯୋଗୀଙ୍କ 253ଟି ଫଟୋ ପ୍ରଦର୍ଶିତ ହୋଇଛି।