ଭବିଷ୍ୟବାଣୀ ପୁସ୍ତକ ପ୍ରକାଶିତ

ଭୁବନେଶ୍ୱର:ସ୍ଥାନୀୟ ଗୁରୁ କେଲୁଚରଣ ମହାପାତ୍ର ଓଡିଶୀ ଗବେଷଣା କେନ୍ଦ୍ର ଠାରେ ବର୍ଣ୍ଣାଢ୍ୟ ପରିବେଶ ରେ ବିଶିଷ୍ଟ ଲେଖକ, ଚିନ୍ତକନାୟକ ତଥା ସର୍ବ ଭାରତୀୟ ଶ୍ରମିକ ନେତା ଶ୍ରୀଯୁକ୍ତ ମାୟାଧର ନାୟକଙ୍କ ବହୁ ଚର୍ଚ୍ଚିତ ପୁସ୍ତକ ‘ବିଶ୍ୱଭବିଷ୍ୟବାଣୀ’ ର ଉନ୍ମୋଚନ ହେବା ସଙ୍ଗେ ସଙ୍ଗେ ଲୋକାର୍ପିତ ହୋଇଯାଇଛି l ଏହି ଅବସରରେ ପ୍ରାରମ୍ଭରେ ସାଗରିକା ମହାନ୍ତି ଓ ସୋନାଲ ଆଚାର୍ଯ୍ୟ ଓଡିଶୀ ନୃତ୍ୟ ପରିବେଷଣ କରିଥିଲେ l ଲେଖକ ମାୟାଧର ନାୟକ ତାଙ୍କର ଅଭିଭାଷଣ ରେ ଆଶା ପୋଷଣ କରିଥିଲେ ଯେ ଏହି ପୁସ୍ତକ ଓଡ଼ିଶାର ପାଠକମାନଙ୍କ ଦ୍ୱାରା ପ୍ରଶଂସିତ ହେବ ଏବଂ ବିଭିନ୍ନ ଦେଶୀ ଓ ବିଦେଶୀ ଭାଷାରେ ଅନୁବାଦିତ ହେବ ଏବଂ ବିଶ୍ୱରୁ ସ୍ୱୀକୃତି ଲାଭ କରିବ l

ଏଥିରେ ମୁଖ୍ୟ ଅତିଥି ଭାବେ ଭାରତର ନିର୍ବାଚନ ଆୟୋଗର ଅଧ୍ୟାପକ ଡକ୍ଟର ଭଗବାନ୍ ପ୍ରକାଶ ଯୋଗ ଦେଇ ଶ୍ରୀ ନାୟକଙ୍କ ସାମଗ୍ରିକ ସାହିତ୍ୟିକ କାର୍ଯ୍ୟକୁ ପ୍ରଶଂସା କରିଥିଲେ ଏବଂ ତାଙ୍କ ଦ୍ୱାରା ଲିଖିତ ଏହି ପୁସ୍ତକର ଉତ୍କର୍ଷତା ସମ୍ପର୍କରେ ନିଜର ମତ ପ୍ରକାଶ କରିଥିଲେ। ବରିଷ୍ଠ ସାମ୍ବାଦିକ ତଥା ‘ସମାଜ’ର ପୂର୍ବତନ ସମ୍ପାଦକ ପ୍ରଦୋଶ ପଟ୍ଟନାୟକ ମତ ଦେଇଛନ୍ତି ଯେ ମାୟାଧର ବାବୁଙ୍କ ଏହି ପୁସ୍ତକ ଏକ ସମୟାନୁବର୍ତ୍ତୀ ପ୍ରକାଶନ।

ବରିଷ୍ଠ ସାମ୍ବାଦିକ ତଥା ସ୍ତମ୍ଭକାର ସୁଜ୍ଞାନୀ ଚୌଧୁରୀ ମାୟାଧର ବାବୁ ଙ୍କର ଏହି ପୁସ୍ତକର ପୁଙ୍ଖାନୁପୁଙ୍ଖ ବିଶ୍ଳେଷଣ, ଏହା ଭବିଷ୍ୟତ ପାଠକମାନଙ୍କ ପାଇଁ ଏକ ମାର୍ଗଦର୍ଶିକା l ଏହାକୁ ଏକ ପୁସ୍ତକ ଭାବରେ ବିବେଚନା କରାଯିବ ବୋଲି ସେ ଦୃଢୋକ୍ତି ଭାବରେ ପ୍ରକାଶ କରିଛନ୍ତି। ଜଣେ ସମ୍ମାନିତ ଅତିଥି ଭାବରେ ଶିକ୍ଷାବିତ୍ ତଥା ସାମାଜିକ ସଂସ୍କାରକ ଶ୍ରୀମତୀ ଇନ୍ଦିରା ଦାସଙ୍କ ଯୋଗଦାନ ଏବଂ ଏହି ପୁସ୍ତକ ପଛରେ ଥିବା ବହୁ ସଂଗ୍ରାମ ଓ ସାଧନା ବିଷୟରେ ସମସ୍ତଙ୍କୁ ଅବଗତ କରାଇବା ସଙ୍ଗେ ସଙ୍ଗେ ଏହି ପୁସ୍ତକ ଟି ରଚନା କରିବା ପାଇଁ ସେ ତାଙ୍କର ଲେଖକ ସ୍ୱାମୀ ଶ୍ରୀଯୁକ୍ତ ନାୟକ ଙ୍କୁ ସମସ୍ତ ପ୍ରକାର ସମର୍ଥନ ଏବଂ ପ୍ରେରଣା ଯୋଗାଇ ଆସୁଥିଲେ ବୋଲି ପ୍ରକାଶ କରିଥିଲେ । ଏହି ଉତ୍ସବ ରେ ପ୍ରଖ୍ୟାତ ଚଳଚ୍ଚିତ୍ର ତାରକା ତଥା ପୂର୍ବତନ ବିଧାୟକ କୋରେଇ ଏବଂ ମୋ କଲେଜ ଅଭିଯାନର ଅଧ୍ୟକ୍ଷ ଆକାଶ ଦାସ ନାୟକ ପୁରୋହିତ କରିଥିବା ବେଳେ ଅଧ୍ୟାପକ ତଥା ବିଶିଷ୍ଟ ଥିଏଟର ନିର୍ଦ୍ଦେଶକ ସୁକାନ୍ତ ରାଉତ ଧନ୍ୟବାଦ ଦେଇଥିଲେ।