ଭୁବନେଶ୍ୱର:ଓଡ଼ିଆ ଅସ୍ମିତା ଭିତ୍ତିକ କବିତା ଯାହା ପ୍ରତେକଟି ଓଡିଆମାନଙ୍କୁ ପ୍ରଭାବିତ କରେ ଓ ଉଲ୍ଲସିତ କରିଥାଏ ପଣ୍ଡିତ ଗୋଦାବରୀଶ ମହାପାତ୍ରଙ୍କ କାଳଜୟୀ କବିତା ଉଠ କଙ୍କାଳ । ପଣ୍ଡିତ ଗୋଦାବରୀଶ ମହାପାତ୍ର ଏକାଧାରରେ ଜଣେ କବି, ସାହିତ୍ୟିକ ଓ ସାମ୍ବାଦିକ । ତାଙ୍କର ବହୁ କାଳଜୟୀ କବିତା ମଧ୍ୟରୁ ଉଠ କଙ୍କାଳ ଓ ଉତ୍କଳ ଗୌରବ ମଧୁସୂଦନ ଦାସ ଙ୍କର କବିତା ଉଠ ରେ ଉଠ ରେ ଉତ୍କଳ ସନ୍ତାନ ଉଠିବୁ ତୁ କେତେ ଦିନ ଅନ୍ୟତମ ଯାହା ପ୍ରତିଟି ଓଡ଼ିଆଙ୍କ ପ୍ରେରଣା ପ୍ରଦାୟୀ । ଏପ୍ରିଲ ୧ ଉତ୍କଳ ଦିବସ । ଏହାକୁ ଆଖିଆଗରେ ରଖି ଓଡ଼ିଶାର ଲୋକକଳା, ସଂସ୍କୃତି, ଐତିହ ପରମ୍ପରା ଭିତ୍ତିକ ସଙ୍ଗୀତ ଗାଇ ଓଡ଼ିଶାର ପୁରପଲ୍ଲୀରେ ବେଶ ଲୋକପ୍ରିୟ ସୃଷ୍ଟି କରିପାରିଥିବା କଣ୍ଠଶିଳ୍ପୀ ଡା ଜୟଶ୍ରୀ ଧଳଙ୍କ କଣ୍ଠରେ ରିଲିଜ ହୋଇଯାଇଛି ସଙ୍ଗୀତ ଉଠ କଙ୍କାଳ । ପଣ୍ଡିତ ଗୋଦାବରୀଶ ମହାପାତ୍ର ଓ ଉତ୍କଳ ଗୌରବ ମଧୁସୂଦନ ଙ୍କ ମୂଳ କବିତା କୁ ନେଇ ଏହି ଏହି ଫିୟୁଜନ ସଙ୍ଗୀତକୁ ନୃତ୍ୟ ନିର୍ଦ୍ଦେଶନା ଦେଇଛନ୍ତି ଆନ୍ତର୍ଜାତିୟ ଓଡିଶୀ ନୃତ୍ୟଗୁରୁ ଶାଶ୍ୱତ ଯୋଶୀ । ସଂଗୀତରେ ସଜେଇଛନ୍ତି ସାନ୍ତୁନୁ ନାୟକ । ଡ଼ା ଜୟଶ୍ରୀ ଧଳ ଙ୍କ କଣ୍ଠ ସହିତ ଗୁରୁ ଶାଶ୍ୱତ ଯୋଶୀ ଙ୍କର ନୃତ୍ୟ ର ଯୁଗଳ ବନ୍ଦୀ ରେ ପ୍ରତିଟି ଓଡ଼ିଆ ଜାଗି ଉଠିବେ ||

ଏହି ଗୀତକୁ ପ୍ରୋଯୋଜନା କରିଛନ୍ତି ସୁର ଭାଇବ୍ରେସନ । ଜୟଦେଵ ଭବନ ପ୍ରଦର୍ଶନୀ ଗୃହରେ ଏହି ସଂଗୀତ ଉନ୍ମୋଚିତ କାର୍ଯ୍ୟକ୍ରମ ରେ ଅତିଥିଭାବେ ବରିଷ୍ଠ ସାମ୍ବାଦିକ ପ୍ରଦ୍ୟୁମ୍ନ ଶତପଥୀ, ପାଇକ ମହାସଂଘ ସଭାପତି ପ୍ରକାଶ ଶ୍ରୀଚନ୍ଦନ, ଫୋକୋସ ପ୍ଲସ ସମ୍ପାଦକ ସୁଧାଂଶୁ ଶେଖର ରାଉତ, ରାଜ୍ୟ ଅଭିଲେଖାଗାର ପୂର୍ବତନ ସମ୍ପାଦିକା ଭାଗ୍ୟଲିପି ମଲ୍ଲ, ଶିକ୍ଷାବିତ ଜ୍ୟୋସ୍ନାମୟୀ ପରିଡା, ସମାଜସେବୀ ସୁଚିସ୍ମିତା ପୃଷ୍ଟି ପ୍ରମୁଖ ଯୋଗଦେଇ ସଙ୍ଗୀତ କୁ ଉନ୍ମୋଚିତ କରିଥିଲେ । ସହଯୋଗ କରିଥିଲେ ହୃତିକ ବିନ୍ଧାଣି, ବାପିନ୍ ଜେନା, ରାହୁଲ ସାହୁ । ଧନ୍ୟବାଦ ଅର୍ପଣ କରିଥିଲେ ସମାଜସେବୀ ମହାସଂଘ ସଭାପତି ବାପୁଓଝା । ସଂଯୋଜନା କରିଥିଲେ ଶ୍ରୀକାନ୍ତ ।