ବିଏମସି ରିକ୍ରେସନ କ୍ଲବ୍ ପକ୍ଷରୁ କ୍ରିକେଟ ମ୍ୟାଚ୍
ବିଏମସି ରିକ୍ରେସନ କ୍ଲବ୍ ପକ୍ଷରୁ କ୍ରିକେଟ ମ୍ୟାଚ୍
ଭୁବନେଶ୍ୱର:18 -10-2024: ଭୁବନେଶ୍ୱର ମହାନଗର ନିଗମ ରିକ୍ରେସନ କ୍ଲବପକ୍ଷରୁ ଆରମ୍ଭ ହୋଇଥିବା ବାର୍ଷିକ କ୍ରାଡା ଉତ୍ସବର ଆଜି ଦ୍ଵିତୀୟ ଦିବସରେ କ୍ରିକେଟ ମ୍ୟାଚ୍ ଅନୁଷ୍ଠିତ ହୋଇଯାଇଛି। ଏହି ମ୍ୟାଚ ମେୟର ଏକାଦଶ ଏବଂ କମିଶନର ଏକାଦଶ ମଧ୍ୟରେ ହୋଇଯାଇଛି।
ସୋଆ କ୍ରିକେଟ ଗ୍ରାଉଣ୍ଡ ରେ ଅନୁଷ୍ଠିତ ବନ୍ଧୁତା ପୂର୍ଣ୍ଣ ମ୍ୟାଚ୍ ରେ ମେୟର ଏକାଦଶ କମିଶନର ଏକାଦଶକୁ ଭେଟିଥିଲା । ଟସ୍ ଜିଣି କମିଶନ ଏକାଦଶ ପ୍ରଥମେ ବ୍ୟାଟିଂ କରିଥିଲା। ୧୫ ଓଭରରେ ୪ ଉଇକେଟ ହରାଇ କମିଶନ ଏକାଦଶ ୧୫୦ ରନ୍ କରିଥିଲା । ୧୫୧ ରନ୍ ଲକ୍ଷ୍ୟ ନେଇ ପଡିଆକୁ ଓହ୍ଲାଇଥିବା ମେୟର ଏକାଦଶ ୯ ଉଇକେଟ ହରାଇ ୧୧୦ ରନ୍ କରିଥିଲା। ଫଳରେ କମିଶନର ଏକାଦଶ ୪୦ ରନରେ ବିଜୟୀ ହୋଇଛି ।
ଗତକାଲି ମାନନୀୟା ମେୟର ଶ୍ରୀମତୀ ସୁଲୋଚନା ଦାସ ଏହି ବାର୍ଷିକ କ୍ରୀଡାକୁ ଉଦ୍ଘାଟନ କରିଛନ୍ତି । ଅନ୍ୟମାନଙ୍କ ମଧ୍ୟରେ ଡେପୁଟି ମେୟର ଶ୍ରୀମତୀ ମଂଜୁଲତା କହଁର, କମିଶନର ତଥା ରିକ୍ରେସନ କ୍ଲବର ସଭାପତି ଶ୍ରୀ ରାଜେଶ ପ୍ରଭାକର ପାଟିଲ, ଷ୍ଟାଣ୍ଡିଂ କମିଟିର ଅଧ୍ୟକ୍ଷ ଓ ଅଧ୍ୟକ୍ଷାବୃନ୍ଦ, କର୍ପୋରେଟର, ରିକ୍ରେସନ କ୍ଲବର ସଂପାଦକ ଶ୍ରୀ ଶୁଭକାନ୍ତ ପାଢୀ, ଏବଂ ବିଏମ୍ସିର ସମସ୍ତ ଅଧିକାରୀ ଓ କର୍ମଚାରୀ ଉପସ୍ଥିତ ଥିଲେ ।
ଏହି ଉତ୍ସବ ବିଭିନ୍ନ ପର୍ଯ୍ୟାୟରେ ଚଳିତ ମାସ ୨୬ ତାରିଖ ପର୍ଯ୍ୟନ୍ତ ଚାଲିବ ।
ଆଜିର କ୍ରିକେଟ ମ୍ୟାଚରେ ମେୟର ଏକାଦଶ ପକ୍ଷରୁ ମାନାନୀୟା ମେୟର ଶ୍ରୀମତୀ ସୁଲୋଚନା ଦାସ ଏବଂ କମିଶନର ଏକାଦଶ ପକ୍ଷରୁ ଅତିରିକ୍ତ କମିଶନ ର ଶ୍ରୀ ଶୁଭେନ୍ଦୁ କୁମାର ସାହୁ ପ୍ରତିନିଧିତ୍ଵ କରିଥିଲେ।
ସୂଚନାଯୋଗ୍ୟ ଯେ, ଆଗକୁ ଆସୁଥିବା ସ୍ୱାୟତ୍ତ ଶାସନ ଦିବସ ଉପଲକ୍ଷେ ଏହିସବୁ କ୍ରୀଡା କାର୍ଯ୍ୟକ୍ରମ ଚାଲୁ ରହିଛି l ଆସନ୍ତା ସେପ୍ଟେମ୍ବର ମାସ 2 ଓ 3 ତାରିଖ ରେ ବାର୍ଷିକ ଡ୍ରାମା ସ୍ଥାନୀୟ ରବୀନ୍ଦ୍ର ମଣ୍ଡପଠାରେ ଆୟୋଜିତ ହେବ l ଏହିଠାରେ ବିଭିନ୍ନ ଖେଳକୁଦ ପାଇଁ ଅଂଶଗ୍ରହଣକାରୀଙ୍କୁ ସମ୍ମାନିତ କରାଯିବ l
