ପରିବେଶ ସୁରକ୍ଷା ସମସ୍ତଙ୍କ ଦାୟିତ୍ୱ
ଭୁବନେଶ୍ୱର,୭/୮ : ରାଜଧାନୀ ଉପକଣ୍ଠ ଟିକରପଡ଼ା ପଂଚାୟତ ଅଧିନ କଲ୍ୟାଣପୁର ଶ୍ରୀ ନୃସିଂହନାଥ ସରକାରୀ ଉଚ୍ଚ ବିଦ୍ୟାଳୟ ପରିସରରେ ବୀରସେନ ଜେନା ସ୍ମୃତି କମିଟି ଓ ସାହିତ୍ୟଘର ପକ୍ଷରୁ ବୃକ୍ଷ ଚାରା ରୋପଣ କରାଯାଇଥିଲା । ଏଥିରେ ଅତିଥି ଭାବେ ଡ଼ ଚିନ୍ମୟାନନ୍ଦ ବଡ଼ଜେନା ଯୋଗଦେଇଥିଲେ । ପରିବେଶ ସୁରକ୍ଷା ଆମ ସମସ୍ତଙ୍କ ଦାୟିତ୍ୱ ବୋଲି ଶ୍ରୀ ବଡ଼ଜେନା ମତବ୍ୟକ୍ତ କରିଥିଲେ । ଏହାକୁ ସ୍ମୃତି କମିଟି ସଭାପତି ତଥା ସାମ୍ବାଦିକ ଲିଙ୍ଗରାଜ ସାହୁ ସଂଯୋଜନା କରିଥିଲେ । ଅନ୍ୟମାନଙ୍କ ମଧ୍ୟରେ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ସସ୍ମିତା ରାଓ, ସଂଘମିତ୍ରା ବାରିକ୍‌, ମିତାଲିନା ପ୍ରଧାନ, ୱାର୍ଡ ମେମ୍ବର କବିତା ଦାଶ, ବିଦ୍ୟାଳୟ ଆଲମିନ୍ ସଭାପତି ହେମନ୍ତ କୁମାର ପାଲ, ସମାଜସେବୀ ପ୍ରଫୁଲ୍ଲ କୁମାର ଦାଶ, ଗୋବିନ୍ଦ ଚନ୍ଦ୍ର ପ୍ରଧାନ, ରବିନ୍ଦ୍ର କୁମାର ସ୍ୱାଇଁ, ମାନସ କୁମାର ଦାଶ, କ୍ରୀଡ଼ା ଶିକ୍ଷକ ସ୍ୱରାଜ୍ୟ କେଶୋରୀ ମହାନ୍ତି ସମେତ ବିଦ୍ୟାଳୟର ପରିଚାଳଣା କମିଟି ସଦସ୍ୟ, ସ୍ଥାନୀୟ ମୁରବୀ, ବୁଦ୍ଧିଜୀବୀ ତଥା ପ୍ରକୃତିପ୍ରେମୀଙ୍କ ଦ୍ୱାରା ଚାରା ରୋପଣ କରାଯାଇଥିଲା ।