ଏକାମ୍ର ନିର୍ବାଚନ ମଣ୍ଡଳୀରେ ବିଭିନ୍ନ ପ୍ରକଳ୍ପର ଭିତ୍ତି ପ୍ରସ୍ତର ଓ ଶୁଭାରମ୍ଭ କାର୍ଯ୍ୟକ୍ରମ ରେ ଯୋଗଦେଲେ ବିଧାୟକ ବାବୁ ସିଂ।

• *ଭିତ୍ତି ପ୍ରସ୍ତର ଓ ଶୁଭାରମ୍ଭ ଫଳକରେ ନିଜ ନାମ ନ ଲେଖିବାକୁ ଅନୁରୋଧ କଲେ ବିଧାୟକ ବାବୁ ସିଂ*

•ଭିତ୍ତି ପ୍ରସ୍ତର ଓ ଶୁଭାରମ୍ଭ ଫଳକରେ ନିଜ ନାମ ବଦଳରେ କେବଳ ଏକାମ୍ର ବିଧାୟକ ଲେଖି ଭିନ୍ନ ଉଦାହରଣ ସୃଷ୍ଟି କଲେ ବିଧାୟକ ବାବୁ ସିଂ

•ପ୍ରାୟ ଦେଢ କୋଟି ରୁ ଉର୍ଦ୍ଧ ଟଙ୍କାର ପ୍ରକଳ୍ପ ର ଭିତ୍ତି ପ୍ରସ୍ତର ଓ ଶୁଭାରମ୍ଭ କଲେ ବାବୁ ସିଂ

ଭୁବନେଶ୍ୱର,ତା.୨୧/୦୭: ସର୍ବଦା ଅବହେଳିତ ଓ ବିକାଶ ଠାରୁ ଦୂରରେ ଥିବା ଏକାମ୍ର କ୍ଷେତ୍ର ଏବେ ନୂଆ ବିଧାୟକ ଙ୍କ ନେତୃତ୍ୱରେ ବିକାଶ ପଥରେ ଅଗ୍ରସର ହେଉଛି। ନୂତନ ଭାବେ ନିର୍ବାଚିତ ବିଧାୟକ ବାବୁ ସିଂ ପ୍ରତିଦିନ ନିଜ କାର୍ଯ୍ୟାଳୟରେ ଲୋକଙ୍କ ଅଭିଯୋଗ ଶୁଣିବା ସହିତ ବିଭିନ୍ନ ୱାର୍ଡ଼ ଓ ପଞ୍ଚାୟତ ବୁଲି ଲୋକଙ୍କ ସମସ୍ୟା ସମ୍ପର୍କରେ ଆଲୋଚନା କରି ସମାଧାନ ପାଇଁ ପ୍ରୟାସ ଆରମ୍ଭ କରୁଛନ୍ତି। ଆଜି ଏକାମ୍ର ରେ ନୂଆ ବିଧାୟକ ବିଭିନ୍ନ ସ୍ଥାନରେ ନୂତନ ପ୍ରକଳ୍ପ ର ଭିତ୍ତି ପ୍ରସ୍ତର ଦେବା ସମୟରେ ଏକ ରୋଚକ ପୂର୍ଣ୍ଣ ଦୃଶ୍ୟ ଦେଖିବାକୁ ମିଳିଥିଲା।ଭିତ୍ତି ପ୍ରସ୍ତର ଓ ଶୁଭାରମ୍ଭ ଫଳକରେ ନିଜ ନାମ ବଦଳରେ କେବଳ ଏକାମ୍ର ବିଧାୟକ ଲେଖି ଭିନ୍ନ ଉଦାହରଣ ସୃଷ୍ଟି କରିଥିଲେ ବିଧାୟକ ବାବୁ ସିଂ । ଏହା ତାଙ୍କର ସରଳତାର ନିଛକ ଚିତ୍ରଣ ବୋଲି ଲୋକେ କୁହା କୁହି ହେଉଥିଲେ।ଆଜି ଭୁବନେଶ୍ୱର ମହାନଗର ନିଗମର ୱାର୍ଡ଼ ନଂ ୬୭ ସୁନ୍ଦରପଦା କପିଳପ୍ରସାଦ ଅଞ୍ଚଳରେ ବିଭିନ୍ନ୍ ପ୍ରକଳ୍ପର ଭିତ୍ତି ପ୍ରସ୍ତର ଓ ଶୁଭାରମ୍ଭ କରିଛନ୍ତି ଏକାମ୍ର ବିଧାୟକ ବାବୁ ସିଂ। ସୁନ୍ଦରପଦା ହରିଆ ଛକ ଠାରୁ ଦୁର୍ଗା ମଣ୍ଢପ ଓ ପାଲା ମଣ୍ହପ ଠାରୁ ଷଣ୍ଢ କ୍ଳବ ପର୍ଯ୍ୟନ୍ତ କଂକ୍ରିଟ ରାସ୍ତାର ଭିତ୍ତି ପ୍ରସ୍ତର କରାଯାଇଛି।ସୁନ୍ଦରପଦା ପାଲା ମଣ୍ଡପ ଠାରୁ ଆର୍ପିଡ ଆପାର୍ଟମେଣ୍ଟ ଭାୟା ଭୋଈ ସାହି ବିମଳା ମନ୍ଦିର ପର୍ଯ୍ୟନ୍ତ,ଗୋଲଖ ଚନ୍ଦ୍ର ପ୍ରଧାନ ଘର ଠାରୁ ସୂର୍ଯ୍ୟ ଟ୍ରେଡିଙ୍ଗ ପର୍ଯ୍ୟନ୍ତ କଂକ୍ରିଟ୍ ନାଳ ନିର୍ମାଣ।ଏହା ସହ ଗୋଖିବାବା କମ୍ୟୁନିଟି ହଲ ,ଭଟ୍ଟ ସାହି କମ୍ୟୁନିଟି ହଲର ଉଦଘାଟନ କରାଯାଇଛି। ଏହା ସହ ଗୋଖିବାବା ମନ୍ଦିରରୁ ତ୍ରିନାଥ ମନ୍ଦିର ପର୍ଯ୍ୟନ୍ତ ଫେବର ବ୍ଲକ ରାସ୍ତାର ଭିତ୍ତି ପ୍ରସ୍ତର କରାଯାଇଛି।ଏସବୁ ପ୍ରକଳ୍ପର ମୁଲ୍ୟ ପ୍ରାୟ ଦେଢ କୋଟି ରୁ ଉର୍ଦ୍ଧ ହେବ। ଏହି ଅବସରରେ ବିଧାୟକ ବାବୁ ସିଂ କହିଛନ୍ତି ଯେ,ନିର୍ବାଚନରେ ଲୋକଙ୍କୁ ପ୍ରତିଶ୍ରୁତି ଦେଇଥିଲୁ ଆଉ ଏବେ ଲୋକଙ୍କ ପାଇଁ କାମ କରୁଛୁ। ଭୋଟର ଆମକୁ ଜନ ପ୍ରତିନିଧୀ ଭାବେ ନିର୍ବାଚିତ କଲା ପରେ ଲୋକଙ୍କ ସମସ୍ୟା ସମାଧାନ କରିବାକୁ ପ୍ରାଥମିକତା ଦେଇଛୁ। ଏକାମ୍ର ବାସୀଙ୍କୁ ସମସ୍ତ ମୌଳିକ ସୁବିଧା ଯୋଗାଇଦେବା ମୋର ପ୍ରାଥମିକ କର୍ତ୍ତବ୍ୟ ବୋଲି କହିଛନ୍ତି ଏକାମ୍ର ବିଧାୟକ ବାବୁସିଂ।
ଏହି ଅବସରରେ ଭୁବନେଶ୍ୱର ମହାନଗର ନିଗମ ମେୟର ସୁଲୋଚନା ଦାସ,ୱାର୍ଡ ନମ୍ବର ୬୭ ର କର୍ପୋରେଟର ମଧୁସ୍ମିତା ପ୍ରଧାନ, ଲିଙ୍ଗରାଜ ମଣ୍ଡଳ ସଭାପତି ସୁରେନ୍ଦ୍ର ପ୍ରଧାନ,କର୍ପୋରେଟର ରାମ ଚନ୍ଦ୍ର ରଣସିଂହ, ବିଜେପି ଭୁବନେଶ୍ୱର ଉପ ସଭାପତି ଧିରେନ୍ ପାତ୍ର, ସୁନ୍ଦରପଦା କପିଳପ୍ରସାଦ ଗ୍ରାମର ମହେନ୍ଦ୍ର କୁମାର ନନ୍ଦ, ରାଜକିଶୋର ରାଉତରାୟ, ବିଜୟ ସ୍ବାଇଁ, ବିଜୟ ସାହୁ, ମୁରଲୀ ମନୋହର ପାତ୍ର,ଜୟ କୃଷ୍ଣ ମାର୍ଥା, ରବୀନ୍ଦ୍ର କୁମାର ନାୟକ, ତପନ ରାଉତରାୟ, ସୁରେନ୍ଦ୍ର ଜେନା, ବିଶ୍ୱଜିତ୍ ଦାସ ଙ୍କ ସହ ଗ୍ରାମର ସମସ୍ତ ମୂରବୀ ଉପସ୍ଥିତ ଥିଲେ।