ରୋଟାରି କ୍ଲବ ଭୁବନେଶ୍ବର ଏକାମ୍ର କ୍ଷେତ୍ରର ଅଧିଷ୍ଠାନ ଉତ୍ସବ

ଭୁବନେଶ୍ବର : ରୋଟାରି କ୍ଲବ ଭୁବନେଶ୍ବର ଏକାମ୍ର କ୍ଷେତ୍ରର ଅଧିଷ୍ଠାନ ଉତ୍ସବ ଅନୁଷ୍ଠିତ ହୋଇ ଯାଇଛି।ଏହି ଅବସରରେ ବିଗତ ବର୍ଷର ସଭାପତି ଡ. ମମତା ଦାଶ ଚଳିତବର୍ଷର ସଭାପତି ମଧୁଛନ୍ଦା ବଳଙ୍କୁ ଏବଂ ବିଗତ ବର୍ଷର ସମ୍ପାଦିକା ଚଳିତବର୍ଷର ସମ୍ପାଦକ ସଂଜୟ ଦାସଙ୍କୁ ଦାୟୀତ୍ବ ହସ୍ତାନ୍ତର କରିଥିଲେ ।ଏହି କାର୍ଯ୍ୟକ୍ରମରେ ରୋଟାରି ଜିଲ୍ଲା 3262ର ଆସନ୍ତା ବର୍ଷର ପ୍ରାନ୍ତପାଳ ମନୋଜ ତ୍ରିପାଠୀ ମୁଖ୍ଯ ଅତିଥି ଭାବରେ ଯୋଗଦାନ କରି ଜିଲ୍ଲାର ବିଭିନ୍ନ ଜନହିତକର କାର୍ଯ୍ଯର ସୂଚନା ପ୍ରଦାନ କରିଥିଲେ।ରୋଟାରି ବିଶ୍ଵରୁ ପୋଲିଓ ଭଳି ମାରାତ୍ମକ ରୋଗକୁ ହଟାଇବାରେ ମୁଖ୍ଯ କର୍ଣ୍ଣଧାର ସାଜିଛି।ପ୍ରତୈକ ବର୍ଷ ରୋଟାରି ବିଭିନ୍ନ କାର୍ଯ୍ୟକ୍ରମ ଯେଭଳି; ଶିକ୍ଷା,ସ୍ୱାସ୍ଥ୍ଯ, ପରିମଳ ଏବଂ ପରିବେଶର ସୁରକ୍ଷା ନିମନ୍ତେ କାର୍ଯ୍ଯ କରିଆସୁଛି।
ମୁଖ୍ଯବକ୍ତା ପ୍ରାକ୍ତନ ପୋଲିସ ଅଧିକାରୀ ଅରୁପ୍ ପଟ୍ଟନାୟକ ରୋଟାରିର ବିଭିନ୍ନ ଜନହିତକର ଏବଂ ଗଠନମୂଳକ କାର୍ଯ୍ଯର ଭୂୟସୀ ପ୍ରଶଂସା କରିବା ସହିତ ରକ୍ତଦାନ କାର୍ଯ୍ୟକ୍ରମ ଉପରେ ଗୁରୁତ୍ଵାରୋପ କରିଥିଲେ। ଉପପ୍ରାନ୍ତପାଳ ରବୀନ୍ଦ୍ର ନାଥ ତ୍ରିପାଠୀ ଅନ୍ୟତମ ଅତିଥି ଭାବରେ ଯୋଗଦାନ କରି କ୍ଲବର କାର୍ଯ୍ୟକ୍ରମକୁ ପ୍ରଶଂସା କରିବା ସହିତ କ୍ଲବର ସମସ୍ତ କାର୍ଯ୍ୟକ୍ରମରେ ଯୋଗଦାନ କରିବାର ପ୍ରତିଶୃତି ଦେଇଥିଲେ। ଏହି କାର୍ଯ୍ୟକ୍ରମରେ ରୋଟାରି ଜିଲ୍ଲା 3262ର ଦ୍ବିତୀୟ “ଆର୍କ କ୍ଲମ୍ ସୋସାଇଟି ସଭ୍ଯ” ପ୍ରାକ୍ତନ ପ୍ରାନ୍ତପାଳ ଅଜୟ ଅଗ୍ରଆଲଙ୍କୁ ସମ୍ମାନିତ କରାଯାଇଥିଲା। ଗୋକୁଳ ଚନ୍ଦ୍ର ଜେନା ଏବଂ ସୁକାନ୍ତ ଦାଶଙ୍କୁ କ୍ଲବର ନୂତନ ସଭ୍ଯ ଭାବରେ ଗ୍ରହଣ କରାଯାଇଥିଲା।ଏହି ଅବସରରେ କ୍ଲବର ମୁଖପତ୍ର
‘ଇନସ୍ପିରେସନ୍’ (Inspiration) ଅତିଥିମାନଙ୍କ ଦ୍ବାରା ଉନ୍ମୋଚିତ ହୋଇଥିଲା।ଜିଲ୍ଲାର ବିଭିନ୍ନ କର୍ମକର୍ତ୍ତା, କ୍ଲବର ସମସ୍ତ ସଦସ୍ଯ ସଦସ୍ଯା ଉପସ୍ଥିତ ଥିଲେ। ଲିପ୍ସିତା ମହାନ୍ତି କାର୍ଯ୍ୟକ୍ରମ ପରିଚାଳନା କରିଥିଲେ।
ଶେଷରେ ଆଗାମୀବର୍ଷ ସଭାପତି ଡ. ସିଦ୍ଧାର୍ଥ କାନୁନଗୋ ଧନ୍ୟବାଦ ଅର୍ପଣ କରିଥିଲେ।