ଭୁବନେଶ୍ୱର:୦୨ ଜୁନ ୨୦୨୪, ରବିବାର “ଓଡ଼ିଶା ଫିଲ୍ମ ଏଣ୍ଡ ଟେଲିଭିଜନ ଡାଇରେକ୍ଟର ଆସୋସିଏସନ୍” ଓ “ଆର୍ଟ ଅଫ ଗିଭିଂ” ର ମିଳିତ ଉଦ୍ୟମରେ ଭୁବନେଶ୍ୱରର ଶ୍ରୀୟା ହଲ, ରାମ ମନ୍ଦିର,ଭୁବନେଶ୍ୱର ରେଲୱେ ଷ୍ଟେସନ ଓ ଭୁବନେଶ୍ୱରର ଅନ୍ୟାନ୍ୟ ସ୍ଥାନରେ ପୂର୍ବାହ୍ନ ୧୦ ଟାରୁ ଦିନ୧ ଟାଏ ଯାଏଁ ପଥଚାରୀ ଏବଂ ଆବଶ୍ୟକ କରୁଥିବା ଲୋକଙ୍କୁ ଛତା ବଣ୍ଟନ କରାଯାଇଛି। ବର୍ତ୍ତମାନ ଅତ୍ୟଧିକ ଗ୍ରୀଷ୍ମପ୍ରବାହ ଯୋଗୁଁ ଅନେକ ଜୀବନ ହାନି ହେଉଥିବାରୁ ଡାଇରେକ୍ଟର ଆସୋସିଏସନ୍ ସାଧାରଣ ଅଭାବୀ ଜନସାଧାରଣଙ୍କୁ ସାହାଯ୍ୟର ହାତ

ବଢ଼େଇଛନ୍ତି। ଆଗରୁ ମଧ୍ୟ ପଣା ବଣ୍ଟନ, ଜଳଛତ୍ର, ବୃକ୍ଷରୋପଣ ପରି ଅନେକ କାର୍ଯ୍ୟକ୍ରମ ସଫଳତାର ସହ ନିର୍ବାହ କରିଥିବା ନିର୍ଦ୍ଦେଶକ ଆସୋସିଏସନ୍ ର ଆଜିର ଛତା ବଣ୍ଟନ କାର୍ଯ୍ୟକ୍ରମକୁ ବୁଦ୍ଧିଜୀବୀ ଓ ସାଧାରଣ ଜନତା ପ୍ରଶଂସା କରିଛନ୍ତି। ଆଜିର ଛତା ବଣ୍ଟନ କାର୍ଯ୍ୟକ୍ରମରେ ବରିଷ୍ଠ ନିର୍ଦ୍ଦେଶକ ସବ୍ୟସାଚୀ ମହାପାତ୍ର, ହିମାଂଶୁ ଶେଖର ଖଟୁଆ, ଅବତାର ସିଂ ଙ୍କ ସହ ବବି ଇସଲାମ, ଦିଲ୍ଲୀପ ପଣ୍ଡା, ଶକ୍ତି ବରାଳ, ପ୍ରଦୀପ ଦାସ, ଶୈଳେନ୍ଦ୍ର ପରିଡ଼ା,ଜ୍ୟୋତି ଦାସ, ଅମରେଶ ପତି, ତ୍ରିପତି ସାହୁ, ଦିବ୍ୟଜ୍ୟୋତି(ଦିପୁ) ଓ ଅଜୟ ସିଂ ଙ୍କ ସମେତ ପ୍ରାୟ ୨୦ ଜଣ ନିର୍ଦ୍ଦେଶକ ପ୍ରାୟ ୧୦୦୦ ଟି ଛତା ବଣ୍ଟନ କରିଛନ୍ତି। ସିନେମା ଓ ଟିଭିରେ ନିର୍ଦ୍ଦେଶନା ଦେଇ ଓଡ଼ିଶାବାସୀଙ୍କ ମନୋରଞ୍ଜନ କରିବା ସହ ଏହିଭଳି ସାମାଜିକ କାର୍ଯ୍ୟକ୍ରମ କରି ଖୁବ୍ ଆମ୍ତସନ୍ତୋଷ ମିଳୁଛି ବୋଲି ଆସୋସିଏସନ୍ ର ସଦସ୍ୟମାନେ କହିଛନ୍ତି । ଆଗାମୀ ସମୟରେ ଏହିଭଳି ଜନସେବା କାର୍ଯ୍ୟକ୍ରମ ଜାରିରହିବ ଏବଂ ଆଗାମୀ ରଥଯାତ୍ରା ଦିନ ପୁରୀ ରେ ଯାତ୍ରୀମାନଙ୍କ ପାଇଁ ଜଳଛତ୍ର ଓ ଯାତ୍ରୀ ସେବା ଶିବିର ଆୟୋଜନ କରାଯିବାର ଯୋଜନା ହେଇଛି ବୋଲି ନିର୍ଦ୍ଦେଶକ ବବି ଇସଲାମ କହିଛନ୍ତି ତା ସହ ଆର୍ଟ ଅଫ ଗିଭିଙ୍ଗ ର ବଦାନ୍ୟତା ତଥା ସହଯୋଗ ପାଇଁ ହିମାଂଶୁ ଶେଖର ଖଟୁଆଙ୍କୁ କୃତଜ୍ଞତା ଜଣାଇଛନ୍ତି।