ଜନ୍ମମାଟିରେ ପ୍ରଚାର କଲେ – ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ।
ଜନ୍ମମାଟିରେ ପ୍ରଚାର କଲେ – ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ।
ଭୁବନେଶ୍ୱର:ଆଜି ପୁରୁଣା ଭୁବନେଶ୍ଵର ଅଞ୍ଚଳର ନିଜ ଜନ୍ମମାଟିରେ ମନ୍ତ୍ରୀ ତଥା ଏକାମ୍ର ବିଧାୟକ ପ୍ରାର୍ଥୀ ଅଶୋକ ଚନ୍ଦ୍ର ପଣ୍ଡା ପରିବାର ସମ୍ପର୍କ ଅଭିଯାନରେ ସାହି ସାହି ବୁଲି ଭୋଟ ଭିକ୍ଷା କରୁଥିବା ବେଳେ ଲିଙ୍ଗରାଜଙ୍କ ସେବାୟତମାନଙ୍କ ସହିତ ସାକ୍ଷାତ ବେଳେ ଷଷ୍ଠଥର ସରକାର ହେବା ପରେ ତୁରନ୍ତ ଲିଙ୍ଗରାଜ ଆଇନକୁ କେନ୍ଦ୍ର ସରକାରଙ୍କ ଉପରେ ଚାପ ପକାଇ ମଞ୍ଜୁର କରିବେ ବୋଲି ଶ୍ରୀ ପଣ୍ଡା କହିଥିଲେ । ସେହିଭଳି ଇଟିପୁର ଗ୍ରାମପଞ୍ଚାୟତ ଏବଂ ବାସୁଆଘାଇ ଗ୍ରାମପଞ୍ଚାୟତ, ୱାର୍ଡ ନଂ. ୫୦ ଗଣ୍ଡମୁଣ୍ଡା ବିଜୁ ଆଦର୍ଶ କଲୋନୀ, ୱାର୍ଡ ନଂ. ୪୯ ଆଇଗିଣିଆରେ ଏକ ବିଶାଳ ରୋଡ଼ ସୋ କରି ଜନସାଧାରଣଙ୍କୁ ଭୋଟ ଭିକ୍ଷା କରିଥିଲେ । ଶେଷରେ ୱାର୍ଡ ନଂ. ୬୭ ସୁନ୍ଦରପଦା ଠାରେ ଏକ ବିଶାଳ ମହିଳା ସମାବେଶରେ ଶ୍ରୀ ପଣ୍ଡା କହିଥିଲେ ଆପଣମାନଙ୍କୁ ଜୁଲାଇ ମାସରୁ ମାଗଣା ବିଜୁଳି, ବିଏସକେୱାଇ କାର୍ଡ଼ (BSKY) ନବୀନ କାର୍ଡ଼ ଏବଂ ମହିଳା ମାନଙ୍କୁ ୧୫ ଲକ୍ଷ ଟଙ୍କା ମିଳିବ, ଏଇଟା ନବୀନ ବାବୁଙ୍କ ଗ୍ୟାରେଣ୍ଟି ।
ଏହି କାର୍ଯ୍ୟକ୍ରମ ଅନ୍ୟମାନଙ୍କ ମଧ୍ୟରେ ମେୟର ସୁଲୋଚନା ଦାସ, କର୍ପୋରେଟର ଶିବ ପ୍ରସାଦ ବେହେରା, ଚନ୍ଦ୍ରଶେଖର ମଲ୍ଲିଆ, ଶିବ ନାରାୟଣ ରାୟ, ସଞ୍ଜୁକ୍ତା ସୁନ୍ଦରାୟ, ଜିଲ୍ଲା ପରିଷଦ ସଭ୍ୟ ସୁବାସ ସୁନ୍ଦରାୟ, ସରପଞ୍ଚ ଅନିତା ଶୁବୁଦ୍ଧି, ବିକ୍ରମ ସେଠୀ, ସମିତି ସଭ୍ୟ ରିଲା ଭଞ୍ଜ, ଜିଲ୍ଲା ପରିଷଦ ବିଧାୟକ ପ୍ରତିନିଧି କୈଳାସ ଜେନା, ଭୁବନେଶ୍ଵର ମହାନଗର ନିଗମ ବିଧାୟକ ପ୍ରତିନିଧି ଦାଶରଥି ଗରାବଡୁ, ପୂର୍ବତନ କର୍ପୋରେଟର ଅଶ୍ଵିନୀ ସୁନ୍ଦରାୟ, ହୃଦୟବଲ୍ଲଭ ସାମନ୍ତରାୟ, ଛବିନ୍ଦ୍ର ଜେନା, କୃତାର୍ଥ ପ୍ରଧାନ, ଏକାମ୍ର ଗ୍ରାମୀଣ ସଭାପତି ସୂର୍ଯ୍ୟ ନାରାୟଣ ଜେନା, ଜ୍ଞାନ ରଞ୍ଜନ ଜେନା, ଅଶୋକ ଜେନା ପ୍ରମୁଖ ଉପସ୍ଥିତ ଥିଲେ ।
