*ଏକାମ୍ର ର କଳା,ସଂସ୍କୃତି, ଐତିହ୍ୟ,ଭାସ୍କର୍ଯ୍ୟର ସୁରକ୍ଷା ଦେବାରେ ବିଫଳ ବିଜେଡି ସରକାର : ବାବୁ ସିଂ*

 ଅପାର ସମ୍ଭାବନା ଥିବା ଏକାମ୍ର ନିର୍ବାଚନ ମଣ୍ଡଳୀରେ ପର୍ଯ୍ୟଟନର ସଠିକ ବିକାଶ ହୋଇନାହିଁ

ଭୁବନେଶ୍ୱର, ତା.୧୭/୦୫: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କାର୍ଯ୍ୟରେ ଦେଶବାସୀ ଖୁସି । ନରେନ୍ଦ୍ର ମୋଦୀଙ୍କ ନେତୃତ୍ୱରେ ସାରା ଦେଶରେ ବିକାଶ ହେଉଛି । ପୂରା ଭାରତର ନୂଆ ନିର୍ମାଣ ହେଉଛି । ଦେଶର ଏମିତି ବିକାଶ ଦେଖି ବିଶ୍ୱ ବି ଚକିତ । ଗରିବ, ମହିଳା, ଦଳିତଙ୍କ ପାଇଁ ମୋଦି ଅନେକ ଯୋଜନା କରିଛନ୍ତି । ରାଜ୍ୟର ୨୫ବର୍ଷ ସରକାର ପରିବର୍ତନ ହେବାର ସମୟ ଆସିଛି । ଏକାମ୍ର ନିର୍ବାଚନ ମଣ୍ଡଳୀ ରେ ବର୍ତମାନ ସୁଦ୍ଧା କୌଣସି ବିକାଶ ହୋଇନି । ଓଡିଶାର ବିକାଶ ପାଇଁ ମୋଦି ସରକାର ଗତ ୧୦ ବର୍ଷରେ ୧୮ଲକ୍ଷ କୋଟି ଟଙ୍କା ଓଡିଶାକୁ ଦେଇଛନ୍ତି । ରାଜ୍ୟରେ ବିକାଶର ବାଧକ ସାଜିଛି ବିଜେଡି ସରକାର । ଓଡ଼ିଶାର ବିକାଶ ପାଇଁ ବିଜେପି ସରକାର ଆବଶ୍ୟକ ଅଛି । ଆଜି ଏକାମ୍ର ନିର୍ବାଚନ ମଣ୍ଡଳୀର ଶିଶୁପାଳଗଡ଼ ପଞ୍ଚାୟତ ଅଞ୍ଚଳରେ ବିଜେପି ବିଧାୟକ ପ୍ରାର୍ଥୀ ବାବୁ ସିଂ ହଜାର ହଜାର ସଂଖ୍ୟକ ସମର୍ଥକ ଙ୍କ ସହ ମିଶି ବିଶାଳ ପଦଯାତ୍ରା କରି ଲୋକଙ୍କ ସହ ମିଶିଥିଲେ। ଦିନ କୁ ଦିନ ବାବୁ ସିଂ ଙ୍କ ପ୍ରତି ଜନସମର୍ଥନ ବଢ଼ିବାରେ ଲାଗିଛି। ପଦଯାତ୍ରା ସମୟରେ ଅନେକ ଲୋକ ଉତ୍ସାହର ସହ ସାମିଲ ହେଉଛନ୍ତି।ସେ ଏହି ଅବସରରେ କହିଥିଲେ ଯେ ଭୁବନେଶ୍ୱର ନିକଟରେ ଅବସ୍ଥିତ ହୋଇ ମଧ୍ୟ ମାଳ ମାଳ ସମସ୍ୟା ମଧ୍ୟରେ ଆଜି ଅଛି ଐତିହ୍ୟ ରେ ପରିପୂର୍ଣ ପଞ୍ଚାୟତ ଶିଶୁପାଳଗଡ଼। ଲୋକଙ୍କ ମୌଳିକ ସମସ୍ୟା ର ସମାଧାନ କରିବାରେ ମଧ୍ୟ ବିଫଳ ବିଜେଡ଼ି ର ସ୍ଥାନୀୟ ବିଧାୟକ। ରାସ୍ତା ନାହିଁ, ଶ୍ମଶାନ ନାହିଁ, ପିଇବା ପାଣି ର ସମସ୍ୟା ଏହି ଭଳି ମାଳ ମାଳ ସମସ୍ୟା ଜଣାଉଛନ୍ତି ଗ୍ରାମ ବାସୀ, ତେବେ ବିଜେଡ଼ି କଣ ବିକାଶ କରିଛି ଏଠୀ?ସରକାର ଏକାମ୍ର ରେ ଭ୍ରଷ୍ଟାଚାର ବଢ଼ୁଛି, ବେରୋଜଗାର ବଢ଼ୁଛି । ଏକାମ୍ର ନିର୍ବାଚନ ମଣ୍ଡଳୀ ରେ ସାଂସ୍କୃତିକ ସ୍ଥାନ, ପ୍ରାକୃତିକ ଉପାଦାନ ରହିଛି । ବିଜେଡି ଦୀର୍ଘଦିନ ସରକାର ରହି ମଧ୍ୟ ପର୍ଯ୍ୟଟନର ବିକାଶ କରିନାହିଁ । ପର୍ଯ୍ୟଟନ ପ୍ରତି ବିଜେଡି ସରକାରର ଧ୍ୟାନ ନାହିଁ ବୋଲି ବିଜେପି ବିଧାୟକ ପ୍ରାର୍ଥୀ ବାବୁ ସିଂ କହିଛନ୍ତି ।
ଏକାମ୍ର ନିର୍ବାଚନ ମଣ୍ଡଳୀର କଳା, ସଂସ୍କୃତି, ଐତିହ୍ୟ, ଭାସ୍କର୍ଯ୍ୟର ସଠିକ ପ୍ରଚାର କରିବାରେ ବିଜେଡି ସରକାର ବିଫଳ ହୋଇଛି । ଏକାମ୍ର ନିର୍ବାଚନ ମଣ୍ଡଳୀରେ ବିଜେପି ବିଜୟ ଲାଭ କରିବ, ଏକାମ୍ର ନିର୍ବାଚନ ମଣ୍ଡଳୀର ଲୋକେ ବିକାଶର ସ୍ୱାଦ ଚାଖିବେ ବୋଲି ଶ୍ରୀ ସିଂ କହିଛନ୍ତି । ଆଜିର ଏହି ବିଶାଳ ପଦଯାତ୍ରା ରେ ସହ ସହ ସ୍ଥାନୀୟ ଜନସାଧାରଣ ଙ୍କ ସମେତ ଅନେକ ନେତା ଓ କାର୍ଯ୍ୟକର୍ତା ଉପସ୍ଥିତ ଥିଲେ ।