୧ ଓ ୨ ନମ୍ବର ଓ୍ବାର୍ଡରେ ଅପରାଜିତା ଓ ପ୍ରିୟଦର୍ଶୀଙ୍କ ରୋଡ ସୋ
ଭୁବନେଶ୍ବର,୧୨/୫: ଭୁବନେଶ୍ବର ଉତ୍ତର ନିର୍ବାଚନମଣ୍ଡଳୀ ଅନ୍ତର୍ଗତ ୧ ଓ ୨ ନମ୍ବର ଓ୍ବାର୍ଡରେ ଭାରତୀୟ ଜନତା ପାର୍ଟି ପକ୍ଷରୁ ପୂର୍ବତନ ବିଧାୟକ ତଥା ବିଜେପି ବିଧାୟକ ପ୍ରାର୍ଥୀ ପ୍ରିୟଦର୍ଶୀ ମିଶ୍ର ଓ ସାଂସଦ ପlର୍ଥୀ ଶ୍ରୀମତୀ ଅପରାଜିତା ସଡଙ୍ଗୀ ଦଳର ପ୍ରମୁଖ କାର୍ଯ୍ୟକର୍ତ୍ତା, ଶୁଭେଚ୍ଛୁ ଓ ସମର୍ଥକଙ୍କ ସହ ବିଶାଳ ରୋଡ଼ ସୋ କରି ଭୋଟ ଭିକ୍ଷା କରିଛନ୍ତି। ଆଜି ସନ୍ଧ୍ୟାରେ ୨ ନମ୍ବର ଓ୍ବାର୍ଡର ଶିଖରଚଣ୍ଡୀ ନଗରରୁ ବିଶାଳ ଶୋଭାଯାତ୍ରାରେ ବାହାରି ସମସ୍ତ ଗଳିକନ୍ଦି ବୁଲି ପ୍ରଶାନ୍ତି ବିହାରରେ ପହଞ୍ଚି ଥିଲେ। ସେଠାରେ ସମସ୍ତ କଲୋନୀ ଅଞ୍ଚଳ ପରିକ୍ରମା କରି ୧ ନମ୍ବର ଓ୍ବାର୍ଡର ପ୍ରଶାନ୍ତି ବିହାର ଦୁର୍ଗାପୂଜା ପଡ଼ିଆ ଠାରେ ସମସ୍ତ କରିଥିଲେ। ଏହି ଶୋଭାଯାତ୍ରାରେ ସାଂସଦ ଓ ବିଧାୟକ ପ୍ରାର୍ଥୀ ଘରକୁ ଘର ଯାଇ ଭୋଟରମାନଙ୍କୁ ଭେଟିବା ସହ ରାଜ୍ୟରେ ଡବଲ ଇଞିନ ସରକାର ଗଠନ ଦିଗରେ ସହଯୋଗ କରିବା ପାଇଁ ନିବେଦନ କରିବା ସହିତ ଲୋକଙ୍କ ଆର୍ଶିବାଦ କାମନା କରିଥିଲେ। ପାରମ୍ପରିକ ବାଦ୍ୟ ଧ୍ବନୀ ମଧ୍ୟରେ ବିଜେପିର ସ୍ଲୋଗାନ ସ୍ଥାନୀୟ ଅଞ୍ଚଳର ଲୋକମାନଙ୍କ ମନରେ ଉତ୍ସାହ ଭରିଦେବା ସହ ନିର୍ବାଚନୀ ମାହୋଲକୁ ଉଷ୍ମତା କରିଦେଇଥିଲା। ଶୋଭାଯାତ୍ରା ବେଳେ ବସ୍ତି ବାସିନ୍ଦାଙ୍କ ଠାରୁ ଆରମ୍ଭ କରି ସାଧାରଣ ଲୋକ ବିଭିନ୍ନ ସ୍ଥାନରେ ଅପରାଜିତା ଓ ପ୍ରିୟଦର୍ଶୀଙ୍କୁ ସ୍ବାଗତ ସମ୍ବର୍ଦ୍ଧନା ଜ୍ଞାପନ କରିଥିଲେ। ମହିଳାମାନେ ହୁଳହୁଳି ପକାଇ ବହୁ ଯୁବକମାନେ ନାଚି ନାଚି ପ୍ରିୟଦର୍ଶୀଙ୍କୁ ସ୍ବାଗତ କରୁଥିବା ଦେଖାଯାଇଥିଲା। ରାସ୍ତାର ଉଭୟ ପାର୍ଶ୍ବରେ ଲୋକମାନେ ଛିଡାହୋଇ ଫୁଲ ପକାଇଥିଲେ। ଏହି କାର୍ଯ୍ୟକ୍ରମରେ ବରିଷ୍ଠ ବିଜେପି ନେତା ଧବଳେଶ୍ୱର ମୂର୍ତ୍ତି, କୁନାଲ ରାଉତ, ଡକ୍ଟର ବିଶ୍ଵନାଥ ପଟ୍ଟନାୟକ, ନଗେନ ବିଶୋଇ,ଅଞ୍ଜନ ଜେନା ସମେତ ହଜାର ହଜାର ମହିଳା ଓ ପୁରୁଷ କର୍ମୀ ଯୋଗଦେଇଥିଲେ।