ଉତ୍ତରରେ ପ୍ରିୟଦର୍ଶୀଙ୍କ ଡବଲ ରୋଡ ସୋ
ସବୁଆଡେ ବିପୁଳ ସମର୍ଥନ
ଭୁବନେଶ୍ୱର,୧୧ା୫ ଭୁବନେଶ୍ୱର ଉତ୍ତର ନିର୍ବାଚନ ମଣ୍ଡଳୀର ବିଜେପି ବିଧାୟକ ପ୍ରାର୍ଥୀ ପ୍ରିୟଦର୍ଶୀ ମିଶ୍ର ଆଜି ଡବଲ ରୋଡ ସୋ ମାଧ୍ୟମରେ ଭୋଟ ମାଗିଛନ୍ତି । ଲୋକମାନେ ଛକ ମାନଙ୍କରେ ପୁଷ୍ପମାଲ୍ୟ ଦେଇ ସମ୍ବର୍ଦ୍ଧନା କରିବା ସହିତ ରାସ୍ତା ଉପରେ, ଘର ଭିତରେ, ଛାତ ଉପରେ ପୁଷ୍ପ ବୃଷ୍ଟି କରି ଅଭୂତପୂର୍ବ ସମର୍ଥନ ଜଣାଇଛନ୍ତି । ଆଜି ସକାଳେ ନଖରା ଛକ ଠାରୁ ହଜାର ହଜାର ସମର୍ଥକଙ୍କ ସହିତ ବାଇକ୍ ଶୋଭାଯାତ୍ରାରେ ବାହାରି ଜୋହଲ, ଜୟପୁର ହୋଇ ପାହାଳ ଠାରେ ପହଞ୍ଚି ଥିଲେ। ୨୫ ବର୍ଷର ସ୍ଥାଣୁ ସରକାରକୁ ପରିବର୍ତ୍ତନ କରି ଡବଲ ଇଞ୍ଜିନି ସରକାର ଆଣିବା ପାଇଁ ଦୁଇଟି ପଦ୍ମ ଫୁଲ ଚିହ୍ନରେ ଭୋଟ ଦେବା ପାଇଁ ଜନସାଧାରଣଙ୍କୁ ନିବେଦନ କରିଥିଲେ। ସ୍ୱାକ୍ଷର ରଞ୍ଜନ ମହାନ୍ତି ଏହାର ନେତୃତ୍ୱ ନେଇଥିଲା ବେଳେ ସ୍ଥାନୀୟ ନେତୃମଣ୍ଡଳୀ ଓ କର୍ନର୍କାମାନେ ଉପସ୍ଥିତ ଥିଲେ ।

ସେହିପରି ସନ୍ଧ୍ୟାରେ ଆଲୋକ ତ୍ରିପାଠୀଙ୍କ ନେତୃତ୍ୱରେ ଭରତପୁର ଜିଏ ପ୍ଲଟ ରୋଡରୁ ହଜାର ହଜାର କର୍ମୀଙ୍କ ସହିତ ବାହାରି ଭରତପୁରର ସମସ୍ତ ଅଂଚଳ ପରିକ୍ରମା କରି ଶ୍ରୀଯୁକ୍ତ ମିଶ୍ର ଯଶସ୍ୱୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଭାରତ ବିକାଶ ବାର୍ତ୍ତା ଲୋକମାନଙ୍କ ପାଖରେ ପହଞ୍ଚାଇଥିଲେ । ଏବଂ ମାନନୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ତୃତୀୟ ଥର ଭାରତର ପ୍ରଧାନମନ୍ତ୍ରୀ କରିବା ପାଇଁ ଦୁଇଟି ପଦ୍ମଫୁଲ ଚିହ୍ନରେ ମୋହର ମାରି ବିପୁଳ ସଂଖ୍ୟାରେ ଜୟଯୁକ୍ତ କରିବା ପାଇଁ ଲୋକମାନଙ୍କୁ ନିବେଦନ କରିଥିଲେ । ସବୁଆଡେ ପ୍ରିୟଦର୍ଶୀଙ୍କୁ ବିପୁଳ ସମର୍ଥନ ମିଳିଥିଲା । ଏଥର ଉରରେ ନିଶ୍ଚିତ ପଦ୍ମ ଫୁଟିବା ସହିତ ରାଜ୍ୟରେ ବିଜେପି ସରକାର ଗଠନର ଆଭାସ ମିଳୁଥିଲା । କାର୍ଯ୍ୟକ୍ରମରେ ହଜାର ହଜାର ସଂଖ୍ୟାରେ ପୁରୁଷ, ମହିଳା, ଯୁବ, ଛାତ୍ରମାନେ ଯୋଗଦାନ କରିଥିଲେ ।