ରୋଟାରୀ ରୟାଲ ପକ୍ଷରୁ ସେବା ସପ୍ତାହ ପାଳନ

ଭୁବନେଶ୍ୱର/୦୯:୦୭- ଜୁଲାଇ ୧ ରୁ ଆରମ୍ଭ ହୋଇଥିବା ନୂତନ ରୋଟାରୀ ବର୍ଷ ର ପ୍ରଥମ ସପ୍ତାହକୁ ରୋଟାରୀ କ୍ଲବ ଅଫ୍ ଭୁବନେଶ୍ୱରର ରୟାଲ୍  ପକ୍ଷରୁ ସ୍ଵତନ୍ତ୍ର ସେବା ସପ୍ତାହ ଭାବେ ପାଳନ କରାଯାଇଅଛି। ଏହି ଅବସରରେ ସଭାପତି ଇଂ ପ୍ରତାପ କୁମାର ଚୌଧୁରୀଙ୍କ ନେତୃତ୍ୱରେ ତେଲେଙ୍ଗା ପେଣ୍ଠ ସ୍ଥିତ ବୃଦ୍ଧାଶ୍ରମ ‘ଶଖା’ ରେ ମହାପ୍ରସାଦ ବିତରଣ,ଡେଲ୍ଟା ସ୍ଥିତ ପ୍ରାଥମିକ ବିଦ୍ୟାଳୟ ଓ‌ ଦଳୁଆ ଆଶ୍ରମ ବିଦ୍ୟାଳୟ ପ୍ରାଙ୍ଗଣରେ ବ୍ୟାପକ ବୃକ୍ଷ ରୋପଣ ତଥା ଦଶ ହଜାର ବିହନ ଗୋଲା ପ୍ରସ୍ତୁତ କରି ବିଭିନ୍ନ ଜଙ୍ଗଲ ରେ ଉତକ୍ଷେପଣ ଇତ୍ୟାଦି ସାମାଜିକ କାର୍ଯ୍ୟ ସମାପନ ହୋଇଯାଇଛି। ସେହିପରି ଚିକିତ୍ସକ ଦିବସ ଅବସରରେ ଆମ୍ରି ହସ୍ପିଟାଲ୍ ଓ ରୋଟାରୀ ରୟାଲ ହସ୍ପିଟାଲ ର ଚବିଶି ଜଣ ଦକ୍ଷ ଚିକିତ୍ସକଙ୍କୁ ଓ ଚାର୍ଟଡ୍  ଆକାଉଣ୍ଟାଣ୍ଟ ଦିବସ ରେ ଦୁଇ ଜଣ ପ୍ରତିଷ୍ଠିତ ସି ଏ ଙ୍କୁ ସମ୍ବର୍ଦ୍ଧିତ କରାଯାଇଥିଲା। ଆଗକୁ ହାପି ସ୍କୁଲ ପ୍ରକଳ୍ପ ମାଧ୍ୟମରେ ଦଳୁଆ ଆଶ୍ରମ ସ୍କୁଲ୍ ର ସର୍ବାଙ୍ଗୀନ ବିକାଶ ପାଇଁ ରୟାଲ କ୍ଲବ୍ ପକ୍ଷରୁ ବ୍ୟାପକ କାର୍ଯ୍ୟ ହାତକୁ ନିଆଯିବା ସହ ଗୋଟିଏ ଜନଜାତି ଗୋଷ୍ଠୀ ଚୟନ କରି ସେମାନଙ୍କୁ ବିଭିନ୍ନ ବିଭାଗରେ କୁଶଳୀ କରାଯାଇ ଆତ୍ମନିର୍ଭର‌ କରାଯିବ ବୋଲି ଶ୍ରୀ ଚୌଧୁରୀ ସୂଚନା ଦେଇଛନ୍ତି। ଏହି ସବୁ କାର୍ଯ୍ୟକ୍ରମ ଗୁଡିକୁ କ୍ଲବ୍ ସମ୍ପାଦକ ଅର୍ଜୁନ ସାହୁ, ପ୍ରାକ୍ତନ ପ୍ରାନ୍ତପାଳ ରବିନାରାୟଣ ନନ୍ଦ,ଶିବବ୍ରତ ଦାଶ, ପୋଲିଓ ପ୍ଲସ ପ୍ରାନ୍ତ ଅଧ୍ୟକ୍ଷ ଅନୀଲ କୁମାର ସାମଲ,ନିର୍ବାଚିତ ସଭାପତି ବିଭୂତି ଭୂଷଣ କର, ଧନ୍ଦାମୂଳକ ପ୍ରଶିକ୍ଷଣ ବିଭାଗର ଅଧ୍ୟକ୍ଷ ପ୍ରଶାନ୍ତ କୁମାର ସାହୁ, ପ୍ରାକ୍ତନ ସଭାପତି ପ୍ରଦୀପ ଦାସ,ସଂଜୟ ଚୌଧୁରୀ,ଆଶିଷ ପରିଡ଼ା,ବିଶ୍ଵମୋହନ ପଟ୍ଟନାୟକ,ଦୀପକ ସେହଗଲ୍ ,ବିଶ୍ଵଜିତ ମିଶ୍ର ଓ ରୋଟ୍ରାକ୍ଟ ସଭାପତି ଦିବ୍ୟଜ୍ୟୋତି ନାୟକ, ସତ୍ୟବ୍ରତ କର ପ୍ରମୁଖ ପରିଚାଳନା କରିଥିଲେ।